İndi də Vorenej şəhərində azərbaycanlıları hədələyirlər
Rusiyanın Yekaterinburq şəhərində azərbaycanlılara qarşı həyata keçirilmiş sərt tədbirlərdən sonra bənzər hallar ölkənin digər bölgələrində də müşahidə olunmağa başlayıb.
Crossmedia.az xəbər verir ki, bu dəfə Voronej şəhərində yaşayan azərbaycanlılar hədəfə alınıb.
İddialara əsasən, şəhərin "Alekseyevski" bazarında baş verən məişət münaqişəsi süni şəkildə şişirdilib. Belə ki, rusiyalı yük maşını sürücüsü yük boşaltma qaydalarına əməl etməkdən imtina edib, mübahisə zamanı azərbaycanlılara qarşı hədə-qorxu gəlib və özünü “rus icması” adlandıran radikal qruplaşmanın üzvlərini çağırıb.
Hadisədən sonra bölgədə azərbaycanlılara qarşı təzyiqlərin başladığı bildirilir. Məlumatlara əsasən, sahibkarlara qarşı reydlər keçirilir, bəzi şəxslər saxlanılır, azərbaycanlılar ölümlə hədələnir. Eyni zamanda, yük maşınlarının yandırılması və malların məhv edilməsi ilə bağlı təhdidlər edildiyi qeyd olunur.
21:25 29.06.2025
Oxunuş sayı: 9258
