Aqil Abbas: "Zakir Həsənov haqlıdır, burada nə var ki?"
Müdafiə naziri, general-polkovnik Zakir Həsənov Heydər Əliyev adına Hərbi İnstitutun və Hərbi Tibb Fakültəsinin buraxılış mərasimində çıxışı zamanı deyib ki, Azərbaycan Ordusu bölgənin ən güclü ordusu olmaqla yanaşı, regionda sülh və əmin-amanlığın təminatçısına çevrilib. Nazirin səsləndirdiyi fikirlərdə həm də çox mühüm mesajlar verir. Belə ki, xüsusilə İkinci Qarabağ savaşı və birgünlük antiterror əməliyyatından sonra Cənubi Qafqazda yeni geosiyasi reallıqlar yaranıb. Bu reallıqların müəllifi Azərbaycan ordusudur. Yeni "oyun qaydaları" bölgədə separatizmin kökünü birdəfəlik kəsməklə həm də sülh və sabitliyi, əməkdaşlıq mühitini təmin edir.
Nazirin səsləndirdiyi fikirlər barədə Crossmedia.az-a danışan Milli Məclisin deputatı Aqil Abbas Azərbaycan ordusunun bölgədəki ən güclü ordulardan olduğunu bildirib: "Zakir Həsənov düz deyir. Azərbaycan bölgədə ən güclü orduya sahibdir. Nazir də bunu deyib. Burada nə var ki?”.
Deputat, həmçinin Milli Ordunun Silahlı Qüvvələrinin bayramını təbrik edib:
"Bütün Milli Ordunun Silahlı Qüvvələrinin də bayramı mübarək olsun!"
Fatimə Nəbiyeva
20:33 28.06.2025
Oxunuş sayı: 11244
