Bonn Sessiyasının gündəliyi Azərbaycanın vasitəçilik səyləri ilə təsdiqlənib
Almaniyanın Bonn şəhərində BMT-nin İqlim üzrə Subsidiar Orqanlarının 62-ci Sessiyası - SB62 öz işinə başlayıb.
Crossmedia.az Azərbaycan XİN-ə istinadən xəbər verir ki, Bonn Sessiyasının əsas məqsədi Braziliyanın Belem şəhərində keçiriləcək COP30-a hazırlıqdır.
Qeyd edilən sessiya çərçivəsində əsas məqamlardan biri gündəliyin təsdiqi prosesi olub.
Konfransın işini iki gün gecikdirən bu məsələ, nəhayət, Azərbaycan nümayəndə heyətinin Braziliyaya göstərdiyi dəstək sayəsində öz həllini tapıb. Gündəliyin qarşıdan gələn COP30-a ev sahibliyi edən ölkə kimi Braziliya tərəfindən razılaşdırılmasının nəzərdə tutulmasına baxmayaraq, Braziliya tərəfinin müraciəti əsasında, Azərbaycan nümayəndə heyəti bütün tərəflərlə intensiv danışıqlar aparıb və nəticədə gündəlik qəbul olunub.
Braziliyada keçiriləcək COP30-un baş icraçı direktoru Ana Amelia Kampos Toni, BMT-nin İqlim Dəyişmələri üzrə Çərçivə Konvensiyası Katibliyi Azərbaycana göstərdiyi dəstəyə görə minnətdarlığını bildirib.
18:50 18.06.2025
Oxunuş sayı: 8618
