Zelenskinin xanımı: "Azərbaycanda Ukrayna dilində audiobələdçi yaradılıb"
Azərbaycanda Ukrayna dilində audiobələdçi yaradılıb.
Crossmedia.az Ukrayna Prezidentinin Ofisinə istinadən xəbər verir ki, bu barədə ölkənin birinci xanımı Yelena Zelenskaya bildirib.
Bu təşəbbüs dünya mədəni abidələrinin ukraynalaşdırılması layihəsi çərçivəsində həyata keçirilir: "Layihə sayəsində artıq dünyanın 53 ölkəsində Ukrayna dilli 102 audiobələdçi istifadəyə verilib".
Qeyd olunub ki, Ukrayna dilində audioekskursiya indi Xəzər dənizi sahilində - dünyanın ilk tanker-muzeyi olan "Suraxanı" gəmisində əlçatandır.
"Lüksemburqa və ya Azərbaycana gedəcək ukraynalıların doğma dildə görəcəkləri və eşidəcəkləri şeylər olacaq. Beləliklə, yeni ölkələri, bəlkə də öz tarixini daha yaxşı anlamaq mümkün olacaq. Çünki muzeylər hamı üçün vacib olanlar haqqında danışaraq dünyanı birləşdirir. İndi dilimiz də Ukrayna audiobələdçilər layihəsində bunu edir", - Y.Zelenskaya vurğulayıb.
16:55 09.06.2025
Oxunuş sayı: 8267
