Ərdoğan və Paşinyan Azərbaycanla sülh prosesini müzakirə ediblər
Türkiyə prezidenti Rəcəb Tayyib Ərdoğan ilə Ermənistanın Baş naziri Nikol Paşinyan arasında telefon danışığı baş tutub.
Crossmedia.az xəbər verir ki, məlumatı Ermənistanın Rabitə İdarəsi yayıb.
Söhbət zamanı N.Paşinyan, Ərdoğanı və Türkiyə xalqını Qurban bayramı münasibətilə təbrik edib.
Tərəflər Türkiyə-Ermənistan münasibətlərinin mövcud vəziyyəti, həmçinin regional və beynəlxalq gündəmdə olan məsələləri müzakirə ediblər.
Ərdoğan regionda hərtərəfli normallaşmanın və Azərbaycan-Ermənistan arasında sülh danışıqlarının davam etdirilməsinin əhəmiyyətini vurğulayıb. O, Ankara ilə İrəvan arasında təmasların davam etdirilməsindən məmnunluğunu ifadə edib.
Aybəniz Səfərova
17:14 05.06.2025
Oxunuş sayı: 1773
