Baş Prokurorluqda hakim vəzifələrinə təyin olunan prokurorluq əməkdaşları ilə görüş keçirilib
Baş Prokurorluqda hakim vəzifələrinə təyin olunan prokurorluq əməkdaşları ilə görüş keçirilib.
Crossmedia.az Baş Prokurorluğa istinadən xəbər verir ki, qurumun inzibati binasında keçirilən təntənəli tədbirdə qeyd edilib ki, hakimlik vəzifələrinə seçilmə ilə bağlı keçirilmiş müsabiqədə uğur qazanan 6 prokurorluq əməkdaşı Azərbaycan Respublikasının Prezidentinin 3 iyun tarixli sərəncamı ilə birinci instansiya məhkəmələrinin hakimləri təyin olunublar.
Sərəncama əsasən, Baş Prokurorluq və Hərbi Prokurorluğun müxtəlif struktur bölmələrində, habelə rayon prokurorluğunda çalışmış Tural Musayev və Kamal Babayev Bakı şəhəri Nərimanov Rayon Məhkəməsinin, Emin Fətəliyev Qaradağ Rayon Məhkəməsinin, Fidan Ələkbərova Ağdaş Rayon Məhkəməsinin, Şahəddin Kələntərov Salyan Rayon Məhkəməsinin, Səbuhi Səfərov isə Beyləqan Rayon Məhkəməsinin hakimi vəzifəsinə təyin ediliblər.
Baş prokurorun birinci müavini Elçin Məmmədov tədbirdə çıxış edib. Elçin Məmmədov yeni təyin olunmuş hakimləri təbrik edərək onların uzun illər ərzində prokurorluq orqanlarında göstərdikləri səmərəli fəaliyyəti, qanunçuluğun və hüquq qaydasının möhkəmləndirilməsi, cinayətkarlığa qarşı mübarizə və insan hüquqlarının müdafiəsi sahəsindəki xidmətlərini yüksək qiymətləndirib. O, Baş prokuror Kamran Əliyev tərəfindən imzalanmış Prokurorluğun Fəxri Fərmanlarını təqdim edərək onlara yeni vəzifələrində uğurlar arzulayıb.
Tədbir çərçivəsində iştirakçılar səmimi söhbətlər aparıb, xatirələrini bölüşüb və xatirə şəkli çəkdiriblər.
18:22 04.06.2025
Oxunuş sayı: 1209
