İlham Əliyev, Ərdoğan və Şahbaz Şərif Laçın Beynəlxalq Hava Limanının açılışında iştirak edəcək - YENİLƏNİB
Sabah Laçın Beynəlxalq Hava Limanının açılışı olacaq.
Crossmedia.az xəbər verir ki, açılışda Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan və Pakistanın Baş naziri Şahbaz Şərif iştirak edəcək.
Bu, Azərbaycanın işğaldan azad edilmiş ərazilərində inşa etdiyi üçüncü və ən hündürdə yerləşən hava limanıdır.
Laçın şəhərindən 30 kilometr aralıda, 1800 metr yüksəklikdə yerləşən hava limanında 3 min metrlik uçuş-enmə zolağı və saatda 200 sərnişinə xidmət edə bilən terminal var.
Baş nazir Əli Əsədovun imzaladığı sərəncamla hava limanına “beynəlxalq” status verilib. Beləliklə, Azərbaycanda beynəlxalq hava limanlarının sayı 9-a çatıb.
Qeyd edək ki, Ərdoğan daha əvvəl Füzuli və Zəngilan hava limanlarının açılışında da iştirak etmişdi.
Aybəniz Səfərova
13:17
XXX
Türkiyə Prezidenti Rəcəb Tayyib Ərdoğan Azərbaycana səfərə gələcək.
Crossmedia.az xəbər verir ki, bu barədə "TRT Haber" məlumat yayıb.
Billdirilib ki, səfər sabaha, yəni Azərbaycanın 28 May - Müstəqilllik Gününə təsadüf edəcək.
Qeyd edək ki, Pakistanın Baş naziri Məhəmməd Şahbaz Şərifin də sabah Azərbaycana səfəri gözlənilir.
13:50 27.05.2025
Oxunuş sayı: 2439
