Zahid Oruc: “Azərbaycan dövləti tikinti və quruculuğu daim strateji prioritet kimi qoruyub saxlayıb”
"Azərbaycanın son 100 ildə keçdiyi ideoloji-siyasi mərhələlərin məskunlaşma siyasətinə təsirindən danışıb. Müxtəlif dövrlərdə – çar Rusiyası, sovet və müstəqillik dövründə formalaşan siyasi və iqtisadi şərtlər xalqın yaşayış tərzinə, şəhər və kənd infrastrukturunun formalaşmasına birbaşa təsir göstərib".
Crossmedia.az xəbər verir ki, bunu Sosial Tədqiqatlar Mərkəzinin İdarə Heyətinin sədri, Milli Məclisin deputatı Zahid Oruc Bakı şəhərinin mənzil fonduna dair keçirilən elmi-praktik konfransda çıxışı zamanı deyib.
O əlavə edib ki, son 100 ildə üç fərqli formasiyanın ideoloji-siyasi şərtləri xalqımızın həyat şəraitinə, şəhər və kəndlərimizin təşəkkülünə ciddi təsir göstərib: "Sovetlər Birliyi dağılandan sonra torpaqlarımızın beşdə birinin işğal olunması isə məskunlaşma siyasətinə ağır təzyiqlər yaradıb. Buna baxmayaraq, Azərbaycan dövləti tikinti və quruculuğu daim strateji prioritet olaraq qoruyub saxlayıb.”
Z.Oruc qeyd edib ki, bu gün ölkədə 4244 kəndin hər biri müxtəlif dövrlərin planlaşdırma, hüquqi, sosial və iqtisadi çərçivəsində formalaşıb: "Yeni dövrdə bu prosesin daha koordinasiyalı, urbanistika əsaslı və dayanıqlı inkişaf hədəflərinə uyğun şəkildə idarə olunması vacibdir".
Həmayıl Şükürlü
14:28 19.05.2025
Oxunuş sayı: 652
