Professor: "Sosial şəbəkələr qaydasız döyüş meydanına çevrilib"
"Bu gün dünyada ən dinamik proseslər media sahəsində gedir. Artıq internetin meydana gəlməsi media tarixində yeni bir mərhələ yaradıb. Əgər nəzərə alsaq ki, kommunikasiya inkişafında təkcə jurnalistika deyil, PR və sosial media da mühüm rol oynayır, o zaman bu sahənin əhəmiyyəti daha da aydın olar".
Crossmedia.az xəbər verir ki, bunu Dövlət Universiteti (BDU) və Üsküdar Universitetinin birgə təşkilatçılığı ilə Azərbaycan Milli Mətbuatının 150 illiyinə həsr olunmuş Rəqəmsal dövrdə media və kommunikasiya fəaliyyəti mövzusunda beynəlxalq elmi konfransın açılışında BDU-nun Jurnalistika fakültəsinin Multimedia və Elektron Kommunikasiya kafedrasının müdiri, professor Qulu Məhərrəmli deyib:
"Biz özümüzü sosial mediadan qorumağı bacarmalıyıq. Çünki bu, qaydasız döyüş meydanına çevrilib. Bunun üçün isə bizim elmi düşüncəmiz olmalıdır. Həsən bəy Zərdabi deyirdi ki, elmə yiyələnməyən millət başqa millətlərin nökəri olacaq.” Azərbaycanın mütəfəkkirləri – Əli bəy Hüseynzadə, Məhəmməd Əmin Rəsulzadə, Ömər Faiq Nemanzadənin hər bir yazısında elmimiz və maarifçilik tərif olunur".
Fatimə Məmmədova
11:27 15.05.2025
Oxunuş sayı: 737
