Ümummilli Lider Heydər Əliyevin anadan olmasının 102-ci ildönümü Bolqarıstan mətbuatında geniş işıqlandırılıb
Ümummilli Lider Heydər Əliyevin anadan olmasının 102-ci ildönümü ilə əlaqədar Bolqarıstan mətbuatında silsilə məqalələr dərc olunub.
Crossmedia.az xəbər verir ki, məqalələrdə Heydər Əliyevin həyat və siyasi fəaliyyəti barədə ətraflı məlumat verilib, müasir Azərbaycan dövlətçiliyinin qurulması və inkişafında, habelə ölkə mənafelərinin əsas götürüldüyü xarici siyasət stategiyasının formalşdırılmasında onun müstəsna xidmətləri vurğulanıb. Həm sovet dövründə, həm də dövlət müstəqilliyi qazanıldıqdan sonra ölkəyə rəhbərlik edərkən Heydər Əliyev tərəfindən ictimai-siyasi, iqtisadi və mədəni sahələrdə gerçəkləşdirilən quruculuq işləri və islahatların müstəqil Azərbaycanın davamlı inkişaf yoluna qədəm qoymasında mühüm rol oynadığı diqqətə çatdırılıb.
Məqalələrdə dövlət müstəqilliyini bərpa etdikdən sonra Azərbaycanın üzləşdiyi siyasi xaos və vətəndaş müharibəsi təhlükəsi şəraitində xalqın dəstəyi ilə hakimiyyətə gələn Heydər Əliyevin “Azərbaycançılıq” idarəçilik fəlsəfəsinə uyğun olaraq xalqın milli şüurunun yüksəldiyi, habelə milli özünüifadəsinin bütün forma və vasitələrinin geniş vüsət aldığı, o cümlədən dünya azərbaycanlılarının həmrəyliyi üçün möhkəm zəmin yaradılaraq, Azərbaycanın müasir dünyada layiqli yer tutmasına nail olunduğu xüsusi vurğulanıb.
16:23 11.05.2025
Oxunuş sayı: 11607
