"Əgər 31 il əvvəl Atəşkəs haqqında razılaşma əldə olunmasaydı..." - Deputat
Ulu öndər Heydər Əliyev müasir Azərbaycanın memarı və qurucusu kimi tarixə adını qızıl hərflərlə yazdırmış nadir şəxsiyyətlərdən biridir. Onun zəngin siyasi irsi, müdrik rəhbərliyi və xalqına sonsuz sevgisi bu gün də milli inkişafımızın əsas dayaqlarındandır. 102 il bundan əvvəlki tarix tək Heydər Əliyevin doğulduğu gün deyil həm də Azərbaycan tarixinin dönüş nöqtəsidir.
Milli Məclisin deputatı Rizvan Nəbili Ulu Öndər Heydər Əliyev haqqında fikirlərini Crossmedia.az-a bölüşüb:
"Xalq var tarixini yazırlar, Xalq da var öz tarixini özü yazır, məhz onun tarixində yer alan Lidelərinin dövlətçilik xidmətləri sayəsində.
20-ci əsrin nəhəng dövlət xadimi Heydər Əliyevin və onun davamçısı Müzəffər Ali Baş Komandan İlham Əliyevin xidmətləri sayəsində Azərbaycan xalqı məhz bu mübariz xalqları arasında öz yerini təsdiqlədi.
Hadisələrə retrospektiv yanaşaraq təhlil etdikdə bir daha aydın olur ki, 2020-ci il Vətən müharibəsindəki Şanlı Zəfərimizə aparan yol Ümummilli Lider Heydər Əliyevin uzaqgörən idarəçiliyindən və dövlətçilik strategiyasının tətbiqindən başlamışdır.
Əgər 31 il əvvəl, elə may ayında Atəşkəs haqqında razılaşma əldə olunmasaydı, ondan bir neçə ay sonra “Əsrin müqaviləsi” imzalanmasaydı. ölkəmizdə nə siyasi sabitlik bərqərar olardı, nə də sonrakı illərdə Dövlətimizin iqtisadi-maliyyə gücü yaranardı, nə də ki hərbi gücümüz formalaşardı.
Bir faktı vurğulamaq istərdim ki, Heydər Əliyevin düşünülmüş strategiyası sayəsində neft, qaz və onların ixrac marşrutlarına dair sazişlər Bakı ilə yanaşı, Kremldə, Ağ evdə, Yelisey sarayında, Donunq strit 10 ünvanlarında imzalandı, bu siyasi ofislərinin bəzilərinin tarixində ilk dəfə idi ki, bu tipli kommersiya xarakterli sazişlər imzalanırdı. Beləliklə, neft müqavilələri həmçinin Azərbaycanın dünya miqyasında tanınmasına, beynəlxalq arenada siyasi-diplomatik münasibətlər yaratmasına təkan verdi. Təsadüfi deyildir ki, Almaniyanın Hamburqdakı Şərq tədqiqatları Mərkəzi 2001-ci ildə “Bakını neft diplomatiyasının mərkəzi” adlandırmışdı".
Deputat həmçinin qeyd edib ki:
"Fəxarət hissi ilə bildirmək istərdim ki, Ümummilli Liderin təşəbbüsü və iştirakı ilə 2001-ci ilin noyabrında Bakıda keçirilən Dünya Azərbaycanlılarının 1-ci Qurultayında Avropadan gələn gənc alimlər arasında mən də yer almışdım. Məşhur kəlamını ilk dəfə səsləndiyi salonda mən də olmuşam, “Mən həmişə fəxr etmişəm ki, bu gün də fəxr edirəm ki, mən azərbaycanlıyam".
Ayhan Ağarzayev
19:22 10.05.2025
Oxunuş sayı: 25604
