Elmar Məmmədyarov: “Ümummilli lider həm siyasətçi, həm də Azərbaycanın müstəqilliyini bərpa edən şəxsdir”
Ümummilli lider Heydər Əliyevin uzaqgörən və çevik diplomatiyası Azərbaycanın beynəlxalq aləmdə mövqeyinin möhkəmlənsində, regional əməkdaşlıq əlaqələrinin 2qurulmasında həlledici rol oynayıb. Onun rəhbərliyi ilə həyata keçirilən diplomatik xətt Azərbaycanı Cənubi Qafqazın əsas siyasi və iqtisadi oyunçusuna çevirib.
Heydər Əliyevin anadan olmasının növbəti ildönümü barədə Crossmedia.az-a danışan keçmiş xarici işlər naziri Elmar Məmmədyarov bildirib ki, Ümummilli lider yalnız görkəmli siyasətçi və dövlət adamı deyil, eyni zamanda Azərbaycanın müstəqilliyini bərpa edən şəxs olub: “Əlbəttə ki, Azərbaycan onun dövründə böyük inkişaf yolu keçdi. Hələ sovet dövründə də Azərbaycan iqtisadiyyatı inkişaf edirdi. Müstəillik dövründə də çox ciddi hadisələr baş verdi. Məsələn, “Əsrin müqaviləsi”nin imzalanması ilə ölkəyə neft gəlirləri daxil oldu. Bununla da Azərbaycanın maliyyə imkanları artdı, vəsait əldə olundu və nəticədə ölkə öz ordusunu qurmağa başladı”, –
O əlavə edib ki, bu gün Azərbaycan ordusu işğal altında olan torpaqları azad edib: “Əlbəttə ki, bu işdə Prezident İlham Əliyevlə yanaşı, onun atası Ulu Öndər Heydər Əliyevin də böyük rolu olub. İlk növbədə ona görə deyə bilərik ki, ümummilli liderimiz çox görkəmli bir şəxsiyyətdir”.
Fatimə Nəbiyeva
20:55 09.05.2025
Oxunuş sayı: 1005
