İsrailin 77 illik müstəqilliyi Bakıda yüksək səviyyədə qeyd olundu
İsrailin Azərbaycandakı səfirliyi yəhudi dövlətinin müstəqilliyinin 77-ci ildönümü şərəfinə ziyafət təşkil edib.
Crossmedia.az xəbər verir ki, tədbirdə yüksək vəzifəli şəxslər, dövlət rəsmiləri, diplomatlar, iş adamları və yəhudi icmasının üzvləri iştirak ediblər.
Səfir Corc Dik İsrailin suverenliyə qədər keçdiyi yoldan, Azərbaycanla sülh və tərəqqi, eləcə də qarşılıqlı hörmət əsasında qurulmuş möhkəm dostluqdan danışıb.
Azərbaycanın iqtisadiyyat naziri Mikayıl Cabbarov qonaqlar qarşısında çıxış edərək iki ölkə arasında güclü iqtisadi əməkdaşlığı və ikitərəfli münasibətlərin əsasında duran ümumi dəyərləri vurğulayıb.
Ziyafətdə simli kvartet və tanınmış musiqiçi Fərid Əliyev çıxış edib. Qonaqlar həmçinin İsrail mətbəxinin dadına baxıblar.
23:58 08.05.2025
Oxunuş sayı: 10934
