Vətəndaşların şəxsiyyət vəsiqəsi tələb olunur, Bakı metropolitenində nə baş verir? -Nazirlikdən cavab
Son zamanlar Bakı Metropoliteninin müxtəlif stansiyalarında polis əməkdaşlarının reyd keçirdiklərini, vətəndaşların şəxsiyyət vəsiqələrini tələb edib yoxlama aparmalarının şahidi oluruq.
Məsələnin aktuallığını nəzərə alaraq Crossmedia.az olaraq Daxili İşlər Nazirliyinin Mətbuat Xidmətinə sorğu verdik.
Qurumun əməkdaşı, polis leytenantı Lumu İsrəfilli sorğuya cavab olaraq bildirib ki, Metropolitendə Polis İdarəsinin əməkdaşları tərəfindən ictimai qaydanın qorunması və ictimai təhlükəsizliyin təmin edilməsi istiqamətində gündəlik olaraq bütün zəruri tədbirlər görülür: "Ümumiyyətlə, metropolitendə bütün zəruri texniki imkanlar mövcuddur və nəzarət tədbirləri fasiləsiz davam etdirilir. Belə ki, şübhə doğuran şəxslərin yoxlanılması, həmçinin qadağan olunmuş əşyaların metropoliten ərazisinə keçirilməsinin qarşısının alınması müasir avadanlıqlardan istifadə edilməklə həyata keçirilir. Metropolitendə təhlükəsizlik qaydalarını pozan şəxslər kamera, digər şəxslərin müraciəti əsasında və ya polis əməkdaşları tərəfindən aşkarlanarsa, müvafiq tədbirlər görülür".
Kənan Novruzov
14:45 06.05.2025
Oxunuş sayı: 1285
