Paşinyan: Azərbaycanla Minsk qrupunun strukturlarının buraxılması və sülh bəyanatını eyni anda imzalamaq mümkündür
Ermənistanın baş naziri Nikol Paşinyan Azərbaycanla birgə ATƏT-in Minsk qrupunun strukturlarının buraxılması haqqında bəyanatın sülh sazişi ilə eyni zamanda imzalanmasını mümkün hesab edir.
Crossmedia.az xəbər verir ki, bu barədə o, Estoniyada keçirdiyi mətbuat konfransında danışıb.
Bildirib ki, Ermənistan regionda davamlı sülhə nail olmaq üçün qəti mövqeyə malikdir: “Biz bu yolda lazımi addımları atmaqda qətiyyətliyik, mövcud problemləri qonşularımızla konstruktiv dialoq və danışıqlar yolu ilə həll etməyə hazırıq”.
“Mən Estoniya Baş naziri ilə söhbət zamanı artıq razılaşdırılmış sülh sazişi mətnini imzalamağa hazır olduğumu təsdiqlədim, həmçinin qeyd etdim ki, ATƏT-in Minsk qrupunun strukturlarının buraxılması haqqında Azərbaycanla birgə bəyanatın sülh sazişi ilə eyni zamanda imzalanmasını mümkün hesab edirəm", - Paşinyan vurğulayıb.
20:19 28.04.2025
Oxunuş sayı: 6755
