Azərbaycan böyük müharibəyə qoşula bilər- Sensasion açıqlama
Son dövrlərdə Hindistan və Pakistan arasında gərginliyin yenidən alovlanması beynəlxalq ictimaiyyətin diqqətini bölgəyə yönəldib. Tarixən iki dövlət arasında Kəşmir məsələsi fonunda yaşanan qarşıdurmalar zaman-zaman şiddətlənib, lakin bu dəfəki hadisələrin arxa planında daha dərin və təhlükəli proseslərin baş verdiyi ehtimal edilir.
Politoloq Natiq Miri davam edən gərginlik barədə Crossmedia.az-a açıqlamasında bildirib ki, Hindistanla Pakistan arasındakı gərginlik yalnız iki dövlətin mübahisələri ilə məhdudlaşmır: “Bölgədəki vəziyyət süni şəkildə yaradılıb və bu gərginliyin arxasında bəzi qlobal və regional güclərin konkret geosiyasi maraqları dayanır. Hindistanla Pakistanı üz-üzə gətirən son terror hadisələri hansısa böyük cinayətlərin üstünü örtmək məqsədi daşıya bilər. Bu proseslərdə İsrail, Hindistanın özü və Hindistana dəstək verən ABŞ-nin xüsusi xidmət orqanlarının iştirakı ehtimal edilir. Bəzi məlumatlara görə, bu hadisələrin diqqətləri yayındırmaq məqsədi ilə Rusiya da dolayı şəkildə rol oynaya bilər.
N.Miri onu da qeyd edib ki, Pakistan tərəfi beynəlxalq səviyyədə araşdırma komissiyası yaradılması təşəbbüsü irəli sürsə də, bu təklifə ciddi dəstək verilməyi: “Bəzi qlobal güclər baş verən hadisələrin arxasında gizlənən həqiqətlərin ortaya çıxmasını istəmir. Pakistan öz müdafiəsini gücləndirir və dost ölkələrdən, xüsusilə Türkiyədən dəstək alır. Məlumata görə, təkcə bir gecədə altı hərbi təyyarə Pakistanın hərbi bazasına eniş edib. Vəziyyət daha da kəskinləşərsə, Azərbaycanın da Pakistanın yanında yer alması ehtimalı var”.
Zəhra Ağayeva
19:10 28.04.2025
Oxunuş sayı: 10723
