Agentlikdə mühüm təyinat olub- Eksklüziv
Azərbaycan Yerüstü Nəqliyyat Agentliyində yeni təyinat olub.
Crossmedia.az-ın əldə etdiyi məlumata görə, "İnnovasiya Könüllüləri" İctimai Birliyinin baş katibi Təhmasib İmaməliyev bundan sonra agentliyin vətəndaşlarla iş departamentinin Vətəndaşlara xidmət və könüllülərlə iş şöbəsində çalışacaq.
Qeyd edək ki, T.İmaməliyev 2002-ci ildə Bakıda anadan olub.
2014-cü ildə Sumqayıt şəhər Fikrət Əmirov adına musiqi məktəbinin tar şöbəsini, 2019-cu ildə Sumqayıt şəhər 11 saylı tam orta məktəbinin rus bölməsini, 2024-cü ildə Azərbaycan Dövlət Pedaqoji Universiteti Tarix və coğrafiya fakültəsinin, tarix müəllimliyi ixtisasının rus bölməsini bitirib. Hazırda Azərbaycan Dövlət Pedaqoji Universiteti Tarix fənninin tədrisi metodikası və metodologiyası ixtisaslaşmasına magistraturaya təhsili alır.
T. İmaməliyev 2024-cü il iyul ayının 15-də Azərbaycan Respublikası Rəqəmsal İnkişaf və Nəqliyyat Nazirliyinin dəstəyi ilə fəaliyyət göstərən “İnnovasiya Könüllüləri” İctimai Birliyinin baş katibi vəzifəsinə təyinat alıb. Hazırda da eyni vəzifəsini icra etməkdədir.
Qeyd edək ki, T. İmaməliyev Böyük Qayıdış Gənclər Təşkilatı İdarə Heyətinin üzvüdür.
2 kitabın həmmüəllifidir.
Kənan Novruzov
18:52 26.04.2025
Oxunuş sayı: 19198
