Elmar Məmmədyarov: "Aİ rəsmisi Azərbaycan və Ermənistana investisiya ayıracaqlarını desə idi..."
Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallas Azərbaycanın xarici işlər naziri Ceyhun Bayramovla keçirilən birgə mətbuat konfransında deyib ki, təşkilat Azərbaycan və Ermənistan arasında sülh sazişinin dayanıqlı olmasına yaxından dəstək verir.
Onun sözlərinə görə, Aİ tərəflərlə danışıqlar aparır: “Regionda sülhün bərqərar olması üçün səylərimizi davam etdirəcəyik”.
Qurum rəsmiləri əvvəllər də dəfələrlə oxşar açıqlamalar veriblər. Buna baxmayaraq, Aİ sülh istiqamətində hələ heç bir əməli addım atmayıb. Aİ-nin bu ziddiyyətli ritorikası barədə Crossmedia.az-a danışan keçmiş xarici işlər naziri Elmar Məmmədyarov söyləyib ki, bu, sadəcə diplomatik gedişdir: "Aİ necə deyə bilərdi ki, biz sülh istəmirik? Əlbəttə, başqa söz deyə bilməzdilər. Mənim nazir kimi çalışdığım illərdə də belə cəhdlər olurdu. K.Kallas sülh üçün Azərbaycana və Ermənistana investisiya ayıracaqlarını desə, daha səmimi və uğurlu olardı. Amma biz bunu görmədik".
Kənan Novruzov
15:03 25.04.2025
Oxunuş sayı: 12764
