Şimali Kipr prezidentinin müşaviri: "Azərbaycanla diplomatik əlaqələr qurmalıyıq"
"Şimali Kipr Türk Respublikasının Azərbaycanla diplomatik əlaqələr qurması tamamilə mümkündür və lazımdır. Bildiyiniz kimi, “Şimali Kipri tanımayın” adı altında yunanların geniş təbliğatı var. Türkiyə isə ŞKTC-ni rəsmi olaraq tanıyıb. Hazırda Şimali Kipr Türk Respublikasının Türkiyədə səfirliyi və 8 vilayətdə baş konsulluqları fəaliyyət göstərir".
Bu sözləri Crossmedia.az-a geniş müsahibəsində Şimali Kipr Türk Cumhuriyyəti Prezidentinin diplomatik məsələlər üzrə xüsusi müşaviri, professor Hüseyn İşıksal deyib.
"Türkiyə bu münasibətlərinə görə heç bir xəbərdarlıq, cəza və ya sanksiyaya məruz qalmayıb. Eyni zamanda, ŞKTC rəsmi adı ilə Türk Dövlətləri Təşkilatının (TDT) müşahidəçi üzvüdür. Bununla yanaşı, eyni zamanda Azərbaycanın da üzv olduğu İslam Əməkdaşlıq Təşkilatında və İqtisadi Əməkdaşlıq Təşkilatında da müşahidəçi statusumuz var. Bu, beynəlxalq səviyyədə iştirakı genişləndirən mühüm amillərdən biridir. Biz suveren xalqıq və başqa separatçılarla heç bir oxşarlığımız yoxdur. Lakin yunan təbliğatı bu reallığı bilərəkdən təhrif edir. Yunan xalqı suverenlik iddiasında olduğu kimi, Kipr Türk xalqının da eyni hüquqlara malik olduğunu görməzdən gəlirlər. Halbuki bu, beynəlxalq hüquq normalarına tam uyğundur. ŞKTC Türkiyə ilə necə diplomatik əlaqələr qurursa, eyni şəkildə Azərbaycanla da bu cür münasibətlərin qurulması gözlənilir".
Müsahibənin tam versiyasını aşağıdakı linkdən oxuya bilərsiniz:
14:38 25.04.2025
Oxunuş sayı: 8415
