Nazir: Tbilisidə XİN nümayəndələrinin görüşü regionda yeni reallıqların təsdiqidir
Cənubi Qafqaz ölkəsinin nazirlərinin müavinlərinin Tbiisidə görüşü regionda yeni reallıqların təsdiqidir.
Crossmedia.az-ın məlumatına görə, bu barədə Azərbaycan xarici işlər naziri Ceyhun Bayramov sloveniyalı həmkarı Tanya Fayon ilə birgə mətbuat konfransında deyib.
C.Bayramov xatırladıb ki, ümumiyyətlə, 30 illik işğalın sona çatması Cənubi Qafqaz regionunda yeni proseslərin başlanğıcını qoyub, qarşılıqlı fəaliyyət üçün yeni imkanlar yaranıb.
"Sloveniya xarici işlər naziri ilə bugünkü görüşümüzlə paralel olaraq, hazırda Tbilisidə Cənubi Qafqazın üç ölkəsinin - Azərbaycan, Gürcüstan və Ermənistanın XİN başçılarının müavinlərinin görüşü keçirilir. Gündəlikdə üç ölkəyə aid olan regional məsələlər var. Bu, regionda yeni bir reallığın formalaşdığını təsdiqləyir. Azərbaycan və Ermənistan arasında həll olunmamış məsələlərin mövcudluğuna baxmayaraq, ölkələr regionumuz - Cənubi Qafqaza aid məsələləri müzakirə edə bilərlər", - C.Bayramov bildirib.
14:15 17.04.2025
Oxunuş sayı: 4912
