"Azərbaycanla Gürcüstan arasında ikitərəfli əlaqələr qitələri birləşdirir" -RƏY
Aprelin 16-da Azərbaycan Prezidenti İlham Əliyev və gürcüstanlı həmkarı Mixail Kavelaşvili arasında təkbətək görüş keçirilib. Görüş zamanı iki ölkə arasında strateji tərəfdaşlıq münasibətləri, regional əməkdaşlıq və qarşılıqlı maraq doğuran digər məsələlər ətrafında fikir mübadiləsi aparılıb. Bu səfər Gürcüstan-Azərbaycan əlaqələrinin daha da dərinləşməsinə və əməkdaşlığın yeni mərhələyə qədəm qoymasına təkan verəcək mühüm hadisə kimi qiymətləndirilir.
Gürcüstan liderinin Bakıya səfəri barədə Milli Məclisin deputatı Asim Mollazadə Crossmedia.az-a açıqlama verib:
"Bir-birinə yaxın olan, həmçinin iqtisadi, siyasi və təhlükəsizlik sahələrində ciddi əməkdaşlıq edən ölkələr olaraq, biz eyni zamanda bölgəmiz üçün mühüm əhəmiyyət daşıyan enerji və nəqliyyat layihələrini birgə həyata keçiririk. Bu layihələr demək olar ki, qitələri birləşdirir. Bu səbəbdən əməkdaşlığımız davam edəcək. Bu günkü səfər bir daha tərəfdaşlığımızın güclü olduğunu təsdiq edir".
Zümrüd Əsədova
14:52 16.04.2025
Oxunuş sayı: 20371
