Küveyt Dövlətinin Baş naziri təyyarə qəzası ilə bağlı İlham Əliyevə baş sağlığı verib
Küveyt Dövlətinin Baş naziri Əhməd Abdullah əl-Əhməd əl-Sabah Azərbaycan Respublikasının Prezidenti İlham Əliyevə başsağlığı məktubu ünvanlayıb.
Crossmedia.az xəbər verir ki, başsağlığı məktubunda deyilir:
"Dost Azərbaycan Respublikasının Prezidenti Zati-aliləri cənab İlham Əliyev.
“Azərbaycan Hava Yolları”na məxsus sərnişin təyyarəsinin Qazaxıstan Respublikasında qəzaya uğraması nəticəsində insanların həlak olmaları və yaralanmaları xəbərini dərin hüznlə qarşıladıq.
Zati-aliləri, bu faciəvi hadisə ilə bağlı kədərinizi bölüşür, Sizə başsağlığı veririk. Qəzanın qurbanlarına Uca Allahdan rəhmət diləyir, yaralananların tezliklə sağalmalarını arzulayırıq".
07:20 08.01.2025
Oxunuş sayı: 14333
