Putin Paşinyanı Moskvaya çağırdı: Kreml səfərlə bağlı danışdı
Rusiya Prezidenti Vladimir Putin və Ermənistanın Baş naziri Nikol Paşinyanın Bişkekdə keçirilən görüşü məzmunlu və mühüm olub.
Crossmedia.az xəbər verir ki, Rusiya Prezidentinin mətbuat katibi Dmitri Peskov bu barədə məlumat verib.
Peskovun sözlərinə görə, görüş zamanı konkret məsələlər müzakirə olunub və tərəflər arasında ticarət əməkdaşlığına dair məsələlərə toxunulub.
O bildirib ki, Putin və Paşinyan Ermənistan baş nazirinin Moskvaya gözlənilən səfərini də müzakirə ediblər. Səfərin dəqiq tarixi hələ müəyyən edilməyib.
Rusiya Prezidentinin rəsmi saytında yayılan məlumata görə, Putin görüş zamanı Rusiya ilə Ermənistan arasında ticarət-iqtisadi əlaqələrin inkişafının vacibliyini vurğulayıb. Onun sözlərinə görə, 2026-cı ilin ilk yarısında iki ölkə arasında ticarət dövriyyəsi 2,5 milyard dollar təşkil edib.
Paşinyan isə görüşdən sonra Rusiya Prezidenti ilə dialoqun Moskvada davam etdirilməsi barədə razılığa gəldiklərini bildirib.
14:19 07.09.2026
Oxunuş sayı: 39
