Lavrov: Rusiya yalnız öz hərbi gücünə arxalana bilər
Rusiya Xarici İşlər naziri Sergey Lavrov Moskvanın Qərb ölkələri ilə danışıqlar aparmaq niyyətində olmadığını və bundan sonra yalnız öz maraqlarından çıxış edəcəyini bildirib. Crossmedia.az xəbər verir ki, Lavrov bu barədə açıqlama verib.
“Biz onlarla razılaşmaq üçün getməyəcəyik, halbuki indiki Avropada artıq razılaşmaq mümkün olan heç kim yoxdur”, - deyə Rusiya XİN rəhbəri vurğulayıb.
Lavrovun sözlərinə görə, Qərbin təhlükəsizlik sahəsində siyasi öhdəliklərini yerinə yetirməkdən imtina etməsi və NATO-nun genişlənməsinin davam etməsi Rusiyanın ilk növbədə öz Silahlı Qüvvələrinə - quru qoşunlarına, donanmaya, aviasiyaya və yeni qoşun növlərinə güvənməli olduğunu göstərib.
Nazir həmçinin bildirib ki, Qərb Rusiyanın ticarət tərəfdaşlarına ciddi təzyiq göstərir. Onun sözlərinə görə, məqsəd həmin ölkələri Rusiyanın enerji resurslarından və Moskva ilə digər əməkdaşlıq formalarından imtina etməyə məcbur etməkdir.
16:06 23.08.2026
Oxunuş sayı: 58
