Bakının bu ərazilərində qaz kəsiləcək – SİYAHI
Təmir işləri ilə əlaqədar avqustun 12-də Səbail və Xəzər rayonlarının bəzi ərazilərində qaz təchizatında qısamüddətli fasilə yaranacaq.
Crossmedia.az xəbər verir ki, bu barədə “Azəriqaz” məlumat yayıb.
Bildirilib ki, saat 09:00-dan etibarən Səbail rayonunun M. Hüseyn, Nizami, Mərdanov qardaşları, Azadlıq, B. Sərdarov və M. Rostropoviç küçələrində, həmçinin Xəzər rayonunun Binə və Qala qəsəbələrində qazın verilişi işlər başa çatanadək dayandırılacaq.
Qeyd olunub ki, fasilə Səbail rayonunda aparılacaq təmir işləri, Xəzər rayonunda isə “Qaz İxrac” İdarəsi tərəfindən həyata keçiriləcək təmir işləri ilə əlaqədardır.
09:13 12.08.2026
Oxunuş sayı: 46
