Gündəm

Şəhər sakinləri Paşinyanı Bakıda görsələr ona nə deyərlər? - SORĞU

Ermənistanın baş naziri Nikol Paşinyan Bakıya səfər ehtimalı ilə bağlı növbəti dəfə açıqlama verib.

Paşinyan Avropa Siyasi Birliyinin sammiti ilə bağlı danışarkən, dəvət alacağı təqdirdə Azərbaycana səfər etməyə hazır olduğunu bildirib.

“Artıq demişdim ki, əgər 2029-cu ildə Avropa Siyasi Birliyinin sammitinə dəvət olsam, Bakıya gedəcəyəm. İndi də eyni mövqedəyəm – dəvət olsa, Bakıya səfər edəcəyəm”, – deyə Ermənistanın baş naziri vurğulayıb.

Maraqlıdır şəhər əhalisi erməni diplomatlarının Bakıya gəlişini necə qarşılayar?

Crossmedia.az "Paşinyanı görsəniz ona nə deyərsiniz?" sualı ilə bağlı paytaxt əhalisinin fikirlərini öyrənib.

Şəhər sakini Aqil Məmmədov: "Mən Paşinyanı görsəm deyərdim ki, bir də müharibə olmasın. Yoxsa gedib İrəvanda oturarıq".

Şəhər sakini Kəmalə Sadiqi: "Deyərdim, tarixi torpaqlarımızda gözləri olmasın. Qarabağımızdan birdəfəlik əl çəksinlər".

Şəhər sakini Mövlud Camaloğlu: "Paşinyan öz əhalisinə başa salmağa çalışır ki, Qarabağ Azərbaycanındır. Bu, çox yaxşı haldır. Bizə ən çox sərf edən baş nazir də Paşinyandır. Onun ağlı olsa Köçəryanla Sarkisyanı da bizə verər. Mən deyərdim ki, onları bizə versin".

Şəhər sakini Rəna Cəbiyeva: "Onlar haqqında əlavə fikir bildirməyə ehtiyac yoxdur. Çünki onsuz da Paşinyanın hakimiyyəti dövründə torpaqlarımız azad olundu. Bu özü elə müsbət haldır".

Şəhər sakini Firuz Əkbərov: "Mən istənilən insana hörmətlə yanaşıram. Amma istəməzdim ki, ermənilər burada yaşasın, gəlsin. Qarabağda yaşayırlar, düzdü. Amma bizim vətəndaşlar da öz dədə-baba yurdlarına qayıtsa idilər, yaxşı olardı. Onlarda millətçilik çoxdur. Bilmirəm Paşinyan onlara qalib gələcəkŞ, ya yox. Paşinyanı da görsə idim, deyərdim ki, ən düz yolu elə o tutub.