Xarici xəbərlər

Ukrayna Rusiya bölgələrinə genişmiqyaslı PUA hücumu həyata keçirib

Ukrayna gecə saatlarında Rusiyanın müxtəlif bölgələrinə genişmiqyaslı pilotsuz uçuş aparatı (PUA) hücumu həyata keçirib.

Crossmedia.az xəbər verir ki, bu barədə xarici KİV məlumat yayıb.

Belə ki, hava hücumundan müdafiə sistemləri gecə ərzində 326 Ukrayna dronunu zərərsizləşdirib.

Hücumlar fonunda Rusiyanın 14 regionunda raket təhlükəsi elan olunub. Bunlar Sverdlovsk, Ulyanovsk, Kurqan, Tümen, Nijni Novqorod, Samara, Penza, Orenburq və Çelyabinsk vilayətləri, Perm diyarı, Xantı-Mansi Muxtar Dairəsi, Udmurtiya, Tatarıstan və Çuvaşıya respublikalarıdır. Omsk vilayətinin qubernatoru da bölgədə dron təhlükəsinin elan edildiyini bildirib.

Hücumlara məruz qalan şəhərlərdən biri də Çeboksarı olub. Yerli hakimiyyət orqanları xəsarət alanların sayı və infrastruktur obyektlərinə dəyən zərərin dəqiqləşdirildiyini açıqlayıb.

🖨 Çap et

12:42 10.06.2026

Oxunuş sayı: 47