Xarici xəbərlər

Tehran Vaşinqtona xəbərdarlıq etdi: İranın hüquqları tanınmalıdır

ABŞ-nin İranın hüquq və tələblərini qəbul etməkdən başqa alternativi yoxdur.

Crossmedia.az İran mediasına istinadən xəbər verir ki, bu sözləri İran Müdafiə Nazirliyinin sözçüsü Rza Təlayinik bildirib.

O, qeyd edib ki, Vaşinqtonun Tehranla bağlı mövqeyinə davamlı etinasızlığı ABŞ prezidenti Donald Tramp üçün həm siyasi, həm də strateji məğlubiyyətlərə səbəb ola bilər.

Təlayinik vurğulayıb ki, Trampın İran xalqının tələblərini qəbul etməsi və ölkənin hüquqlarını tanıması qaçılmaz bir addım kimi görünür.

İran rəsmisinin sözlərinə görə, həm hərbi, həm də diplomatik müstəvidə Tehranın tələblərinin nəzərə alınması ABŞ və İsrail üçün mümkün üçüncü müharibə riskindən çıxışın yeganə yolu hesab olunur.

O əlavə edib ki, bu mövqenin qəbul edilməsi regionda gərginliyin azaldılması və mümkün müharibənin iqtisadi-siyasi nəticələrinin qarşısının alınması üçün vacibdir.

🖨 Çap et

13:02 23.05.2026

Oxunuş sayı: 45