NATO-dan sensasion mesaj: Avropa ABŞ-dan asılılığı azaldır
Hörmüz boğazında gəmiçilik azadlığı bütün NATO müttəfiqləri üçün mühüm məsələdir, lakin bu vəziyyət təşkilatın birbaşa hərbi problemi hesab edilmir.
Crossmedia.az xarici mediaya istinadən xəbər verir ki, bunu NATO-nun baş katibi Mark Rutte bildirib.
O, İsveçin Helsinqborq şəhərində keçiriləcək NATO toplantısı öncəsi çıxışında ABŞ Prezidenti Donald Trampın Polşaya 5 min ABŞ hərbçisinin yerləşdirilməsi qərarını da müsbət qiymətləndirib.
Rutte qeyd edib ki, ABŞ Avropanın həm nüvə, həm də konvensional müdafiəsində əsas rolunu qoruyub saxlayır, lakin eyni zamanda Avropa ölkələri də müdafiə sahəsində daha çox məsuliyyət götürməlidir.
“Hazırkı istiqamət daha güclü Avropa və daha güclü NATO deməkdir. Bu proses tədricən bir müttəfiqdən asılılığın azalmasına gətirib çıxaracaq”, – deyə NATO rəhbəri vurğulayıb.
Eyni mövzuya münasibət bildirən Estoniyanın xarici işlər naziri Marqus Tsahkna isə ABŞ qoşunlarının Avropadakı sayına qərarın Vaşinqton tərəfindən verildiyini xatırladaraq, Avropanın müdafiə yükünü daha çox üzərinə götürməsinin vacibliyini qeyd edib.
13:35 23.05.2026
Oxunuş sayı: 54
