Özbəkistan universitetlərinin tanıtımı ilə bağlı ikitrəfli inteqrasiyaya töhfə verir- Media kapitanı
Son illərdə iki qardaş ölkə arasında demək olar ki, həyatın ən müxtəlif sahələrində əlaqələr güclənməkdə, inkişaf etməkdədir.
Bunu "Türküstan" Media Qrupunun rəhbəri, jurnalist Aqil Camal Bakıda keçirilən Özbəkistan Universitetlərinin III Təhsil Sərgisində Crossmedia.az-a açıqlamasında deyib.
"Sözsüz ki, bunun təməlində hər iki ölkənin ali rəhbərliyinin şəxsi münasibətləri, siyasi iradəsi və hər iki ölkənin maraqları dayanır.
Bu baxımdan, Özbəkistan universitetlərinin tanıtımı ilə bağlı təşkil olunan tədbirin də ümumilikdə iki ölkə arasında gedən inteqrasiya, əməkdaşlıq və işbirliyi münasibətlərində çox önəmli bir səhifə olduğunu hesab edirik.
Bütün hallarda təhsil sahəsi müasir dövrdə xüsusilə çox önəmli bir sahədir. Burada hətta biz Özbəkistanla Azərbaycan arasında dil məsələləri ilə bağlı da bir sıra irəli addımların atıldığını görürük".
Mehriban Yariyeva
13:43 23.05.2026
Oxunuş sayı: 51
