Erməni şərab və konyakları bazardan yığışdırılır - Rusiyadan SƏRT QƏRAR
Rusiyanın Rospotrebnadzor (İstehlakçıların Hüquqlarının Müdafiəsi və İnsan Rifahına Nəzarət üzrə Federal Xidmət) qurumu bir neçə erməni istehsalçısının alkoqollu içkilərinin ölkəyə idxalına qadağa qoyub.
Crossmedia.az bu barədə xarici mediaya istinadən xəbər verir.
Qurumun yaydığı məlumata görə, yoxlamalar zamanı “VEDİ-ALKO”, “Abovyan Brendi Zavodu” və “Şahnazaryan Şərab və Konyak Evi” şirkətlərinin məhsullarında qanun pozuntuları aşkarlanıb.
Məhdudiyyət siyahısına müxtəlif növ şərab və konyak məhsulları daxil edilib. Rospotrebnadzor bildirib ki, qərar istehlakçı təhlükəsizliyi və texniki normativlərin pozulması ilə əlaqədardır.
Hələlik Ermənistan məsələ ilə bağlı rəsmi açıqlama verməyib.
09:15 23.05.2026
Oxunuş sayı: 149
