Dendias: Türkiyənin müdafiə sektorundakı nailiyyətlərini görməzdən gələ bilmərik
Yunanıstan müdafiə naziri Nikos Dendias Türkiyə müdafiə sənayesinin nailiyyətləri ilə bağlı diqqətəlayiq açıqlamalar verib.
Dendias qatıldığı bir konfransda Türkiyənin müdafiə sektorundakı nailiyyətlərindən danışdı.O, bunu görməzdən gəlməyin mümkün olmadığını etiraf etdi.
Crossmedia.az "TRTHABER"-ə istinadən xəbər verir.
"Bu baxımdan müəyyən şeylər arasında fərq qoymalıyıq. Türkiyənin son illərdə əhəmiyyətli istehsal gücünü inkişaf etdirə bildiyini və bütün təriflərə layiq olduğunu qəbul etməliyik."
Yunan naziri Türkiyənin müdafiə sektorunda yeni texnologiyaların erkən tanındığını bildirərək dedi: "Bir çox ölkənin pilotsuz uçuş aparatlarının nə olduğunu belə bilmədiyi bir dövrdə Türkiyə müəyyən bir səviyyəyə çatdı".
Dendias, həmçinin Türkiyənin əhəmiyyətli ixrac potensialı inkişaf etdirdiyini vurğulayıb.
O, Türkiyənin müdafiə sənayesinin məhsullarını bir çox ölkəyə, xüsusən də inkişaf etməkdə olan ölkələrə və Afrikaya satdığını və bunun diplomatik təsir yaratdığını bildirib.
"Bunu qəbul etməliyik... Bu, qonşumuzun uğurudur."
23:10 22.05.2026
Oxunuş sayı: 44
