NATO Rusiyaya qarşı "dərin zərbə" əməliyyatlarının məşqini keçirir
NATO-nun sürətli reaksiya qüvvələri Londonun Çarinq Kross metrostansiyasında yeraltı qərargah yerləşdirib və orada alyansa hücum olacağı təqdirdə Rusiyaya qarşı "dərin zərbə" əməliyyatlarının məşqini keçirir.
Crossmedia.az "The Independent"-ə istinadən xəbər verir.
Britaniya Hərbi Hava Qüvvələrinin komandanı general-leytenant Mayk Elviss izah edib ki, təlimlər "kəşfiyyat zərbəsi" - yürüşdə Rusiya qoşunlarını aşkar etmək və məhv etmək bacarığı üçün lazımdır.
Onun sözlərinə görə, istənilən ssenaridə Rusiyanın iki üstünlüyü var: o, döyüş gücünü hücum nöqtəsində cəmləşdirə bilər, NATO isə hər yerdə müdafiə olunmağa məcburdur və hücumu başlatmaq üçün anı seçən düşməndir.
22:35 22.05.2026
Oxunuş sayı: 46
