Xarici xəbərlər

Overçuk: Ermənistan Aİ və Aİİ arasında tez seçim etməlidir

Rusiya baş nazirinin müavini Aleksey Overçuk bildirib ki, Ermənistan Avropa İttifaqı (Aİ) və Avrasiya İqtisadi İttifaqı (Aİİ) arasında mümkün qədər tez seçim etməlidir.

Crossmedia.az-ın məlumatına görə, o, TASS-a verdiyi açıqlamada qeyd edib ki, Ermənistanda qəbul edilən bəyanatlar və qanunvericilik ölkənin strateji seçim zərurətini aktuallaşdırır.

Overçuk vurğulayıb ki, Moskva Ermənistanın Aİİ-dən çıxarılması üçün təzyiq göstərmir, lakin İrəvanın öz prioritetlərini dəqiqləşdirməsi vacibdir.

Onun sözlərinə görə, Ermənistan Avropa İttifaqına inteqrasiya istiqamətində addımlar atdığını bəyan etdiyi üçün bu iki inteqrasiya modeli arasında seçim etməlidir.

Rusiya rəsmisi əlavə edib ki, bu qərarın nə qədər tez verilməsi bütün tərəflər üçün daha faydalı olar.

🖨 Çap et

17:13 22.05.2026

Oxunuş sayı: 49