İran Türkiyənin nüvə böhranı təklifinə sərt reaksiya verib
İran Türkiyənin nüvə böhranının həlli və regionda gərginliyin azaldılması ilə bağlı diplomatik təşəbbüslərinə münasibət bildirib.
Crossmedia.az xəbər verir ki, bu barədə məlumatı xarici media yayıb.
İran parlamentinin Milli Təhlükəsizlik və Xarici Siyasət Komissiyasının üzvü Əli Xəzərian Türkiyənin xarici işlər naziri Hakan Fidanın İranın zənginləşdirilmiş uran ehtiyatları ilə bağlı açıqlamalarına etiraz edib.
O bildirib ki, İran heç bir ölkənin onun daxili və strateji qərarlarına müdaxilə etməsinə icazə verməyəcək və nüvə məsələsində qərarvermə hüququ yalnız Tehrana məxsusdur.
Xəzərian Türkiyəyə müraciət edərək xarici siyasət rəsmilərinin İranla bağlı açıqlamalarda daha ehtiyatlı davranmalı olduğunu deyib.
O, həmçinin vurğulayıb ki, iki ölkə arasında münasibətlərin davamı üçün qarşılıqlı hörmət və diplomatik həssaslıq vacibdir.
17:22 22.05.2026
Oxunuş sayı: 54
