Gürcüstanın SEPAH təsirinə düşdüyü iddiası gündəmdə
Gürcüstanın geosiyasi kursunda ciddi dəyişikliklər baş verdiyi iddia olunur.
Crossmedia.az xəbər verir ki, “The Washington Free Beacon” nəşrinin məlumatına görə, ölkənin hakim “Gürcü Arzusu” partiyası dövründə Gürcüstanın ABŞ-nin yaxın tərəfdaşından İranın təsir dairəsinə doğru yönəldiyi iddia edilir.
ABŞ-nin Hudson İnstitutunda keçirilən tədbirdə çıxış edən ekspertlər Gürcüstan ərazisinin İran kəşfiyyatı və İslam İnqilabı Keşikçiləri Korpusu (SEPAH) ilə əlaqəli şəxslər üçün fəaliyyət platformasına çevrilə biləcəyi barədə xəbərdarlıq ediblər.
Bildirilib ki, həmin şəxslərin daha sonra Şengen zonası və ABŞ daxilində sərbəst hərəkət imkanları əldə etməsi ehtimalı müzakirə olunur.
Hudson İnstitutunun araşdırmasına əsasən, İranın Gürcüstandakı fəaliyyət istiqamətlərindən biri ölkədəki şiə icması ilə əlaqələrdir. Hesabatda İranla bağlı bəzi xeyriyyə təşkilatları və Əl-Mustafa Beynəlxalq Universitetinin Gürcüstandakı fəaliyyəti də qeyd olunur.
Bununla yanaşı, keçmiş gürcü deputatı Giorgi Kandelaki bəzi şəxslərin xaricdə İsrail diplomatlarına qarşı planlaşdırılan əməliyyatlarla əlaqələndirildiyini iddia edib.
13:00 22.05.2026
Oxunuş sayı: 49
