Xarici xəbərlər
Paşinyan: “Niyə ölmədin?” sualı Qarabağ separatçılarına ünvanlanıb
Ermənistanın Baş naziri Nikol Paşinyan mətbuat konfransında “Niyə ölmədin?” ifadəsi ilə bağlı açıqlama verib.
Crossmedia.az xəbər verir ki, bu barədə məlumatı xarici media yayıb.
O bildirib ki, bu sözlər erməni xalqına deyil, Qarabağdakı keçmiş qondarma rejimin nümayəndələrinə ünvanlanıb.
Paşinyanın sözlərinə görə, o, özünü ləğv edilmiş xuntanın müxtəlif strukturlarının təmsilçiləri kimi təqdim edən şəxsləri nəzərdə tutub.
Baş nazir qeyd edib ki, həmin dairənin nümayəndələri hərbi əməliyyatlarda iştirak etmədikləri halda, sonradan müxtəlif iddialarla çıxış ediblər.
Paşinyan əlavə edib ki, bəzi şəxslər döyüşlər zamanı əsgərləri tək qoyub geri çəkilib və bu barədə izahat verməlidirlər. O, Samvel Şahramanyan və digər keçmiş separatçı rəhbərlərin adını da çəkib.
12:53 22.05.2026
Oxunuş sayı: 59
