Ermənistanda siyasi gərginlik artır - Paşinyan müxalifəti hədəfə aldı
Ermənistanda siyasi gərginlik növbəti dəfə hakimiyyətlə müxalifət arasında qarşılıqlı ittihamlar fonunda daha da dərinləşib.
Baş nazir Nikol Paşinyan bu dəfə “Güclü Ermənistan” partiyasının rəhbəri Narek Karapetyanı çirkli pulların yuyulmasında ittiham edərək onun uzun illər həbsdə qala biləcəyini bildirib.
Paşinyan çıxışı zamanı ölkənin sabiq prezidenti Robert Koçaryan haqqında da sərt fikirlər səsləndirib. O, Avropa İnsan Hüquqları Məhkəməsinin “1 mart” hadisələri ilə bağlı qərarının icra edilməli olduğunu vurğulayaraq, Köçəryanın uzunmüddətli həbs cəzası almalı olduğunu deyib. Baş nazirin Vanadzorda səsləndirdiyi bu açıqlamalar Ermənistanda daxili siyasi qarşıdurmanın daha da kəskinləşdiyini göstərir.
Məsələ ilə bağlı politoloq Əziz Əlibəyli Crossmedia.az-la öz fikirlərini bölüşüb:
"Onların həbs olunması üçün kifayət qədər cinayət-prosessual əsaslar mövcuddur. Ən azı, 1999-cu ildə keçirilən küçə hərəkatı və mitinqlər zamanı baş verən ölüm hadisələri həmin şəxslərin məsuliyyətə cəlb olunmasına imkan yaradır.
Burada əsas məqam isə onların həbsindən daha çox, Paşinyanın bu addımlarla arxadakı qüvvələrə hansı mesajı verməsidir. Bundan əvvəl də Robert Koçaryan həbs olunsa da, onu uzun müddət saxlayıb cəzalandırmaq mümkün olmamışdı".
Elmir Heydərli
12:17 22.05.2026
Oxunuş sayı: 76
