Aİ-də İran hərbi attaşeləri ilə bağlı narahatlıq artır
Avropa İttifaqı (Aİ) ölkələrində İranın hərbi attaşelərinin fəaliyyəti ilə bağlı narahatlıqlar artıb.
Crossmedia.az xəbər verir ki, “Euractiv” nəşrinin yaydığı məlumata görə, Aİ-nin bir sıra ölkələrində fəaliyyət göstərən İran hərbi attaşelərinin İslam İnqilabı Keşikçiləri Korpusu (SEPAH) ilə əlaqəli ola biləcəyi ehtimal edilir.
Məlumatda bildirilir ki, SEPAH-ın Aİ tərəfindən terror təşkilatı kimi qiymətləndirilməsindən sonra bu məsələ daha da həssas xarakter alıb.
İddialara görə, həmin şəxslər diplomatik statusdan istifadə edərək Aİ daxilində sərbəst hərəkət imkanlarına malikdirlər.
Hesabatda İranın Polşadakı hərbi attaşesi Məhəmməd Nağızadənin də adı çəkilir.
Sənəddə SEPAH-la əlaqəli olduğu ehtimal edilən hərbi attaşelərə və diplomatlara qarşı sanksiyaların tətbiqi və onların Aİ ölkələrindən çıxarılması tövsiyə olunur.
Qeyd edilir ki, bu addım İranın beynəlxalq təcridini daha da gücləndirə bilər.
10:16 22.05.2026
Oxunuş sayı: 48
