ABŞ-dən İrana sərt xəbərdarlıq: Ya razılaşma, ya cəza
Ağ Evin yüksək rütbəli rəsmisi Stiven Miller ABŞ Prezidenti Donald Trampın İranın yeni rəhbərliyinə münasibətdə sərt mövqeyini açıqlayıb.
Crossmedia.az xəbər verir ki, onun sözlərinə görə, İranın devrilmiş rejimini əvəz edən yeni rəhbərlik iki yol qarşısındadır: ya ABŞ-ni qane edən sazişi qəbul etmək, ya da ABŞ ordusunun “misli görünməmiş ağır nəticələri” ilə üzləşmək.
Stiven Miller bildirib ki, İranın nüvə proqramı və hərbi imkanları ciddi zərbə alıb və ölkə əvvəlki gücünü itirib.
O həmçinin qeyd edib ki, ABŞ-nin həyata keçirdiyi “İqtisadi Qəzəb” əməliyyatı nəticəsində İranın hərbi hava və dəniz qüvvələri, raket proqramı və müdafiə sənayesi zəiflədilib.
Məlumata görə, ABŞ tərəfi İranın gələcəkdə hər hansı təhlükə yaratması halında dərhal cavab veriləcəyini də vurğulayıb.
10:08 22.05.2026
Oxunuş sayı: 56
