Avropa Parlamenti İrandakı repressiyaları pisləyən qətnamə qəbul edib
Avropa Parlamenti İranda etirazçılara, müxalif fəallara, siyasi məhbuslara və dini azlıqlara qarşı repressiyaları pisləyən qətnamə qəbul edib.
Crossmedia.az xarici mediaya istinadən xəbər xəbər verir ki , sənəd 516 lehinə, 14 əleyhinə və 92 bitərəf səslə qəbul olunub.
Belə ki, qətnamədə İran hakimiyyətindən edamların dərhal dayandırılması, siyasi məhbusların azad edilməsi və insan hüquqlarının pozulmasına görə məsul şəxslərin cavabdehliyə cəlb olunması tələb edilir.
Avropa Parlamentinin üzvləri İranda qadınlara, vətəndaş cəmiyyəti fəallarına və dini azlıqlara qarşı artan təzyiqlərdən ciddi narahatlıq ifadə ediblər.
Sənəddə həmçinin repressiyalara görə məsul hesab edilən İran rəsmiləri və qurumlarına qarşı sanksiyaların genişləndirilməsi çağırışı yer alır. Buraya məhkəmə sistemi, SEPAH və İranın ali rəhbəri ilə əlaqəli strukturlar da daxildir.
20:29 21.05.2026
Oxunuş sayı: 48
