Rusiyalı diplomat Ermənistanda kəşfiyyat fəaliyyəti ilə məşğuldur?
Son günlər Rusiya diplomatik missiyası ilə bağlı bəzi iddialar yayılıb. İddialara görə, Rusiya səfirliyində çalışan bəzi şəxslər, o cümlədən Aleksey Mışlyavkin, guya diplomatik status altında Rusiya Xarici Kəşfiyyat Xidmətinə (SVR) bağlı “rezident” kimi fəaliyyət göstərir və Ermənistanda kəşfiyyat şəbəkəsinin tərkibində yer alır. Həmçinin onun ad günü ilə bağlı səfirlikdə tədbir keçiriləcəyi barədə də iddialar irəli sürülüb.
Crossmedia.az xəbər verir ki, bu barədə xarici media da məlumat yayıb.
Rusiya Xarici İşlər Nazirliyi (XİN) isə bu iddiaları təkzib edərək onları yalan və provokasiya adlandırıb. Rəsmi yoxlamalara əsasən, Ermənistan üzrə Rusiya ticarət nümayəndəliyinin siyahısında “Mışlyavkin” adlı şəxs yoxdur. Hazırda bu vəzifəni Sergey Solomin (2025-ci ilin sentyabrından), ondan əvvəl isə Anna Donçenko icra edib.
Məlumata görə, Aleksey Mışlyavkin Rusiya səfirliyində yalnız attaşe vəzifəsində çalışıb və hazırda Ermənistanı tərk edib.
Eyni zamanda, “Rosatom” nümayəndəsi kimi təqdim edilən Vyacheslav Proşkin də əvvəlki vəzifəsini tərk edib. Onun hərbi keçmişi (Müdafiə Nazirliyi sistemi, ehtiyatda general-mayor rütbəsi) rəsmi bioqrafiyasında göstərilir.
“Russkiy Dom” rəhbəri Vadim Fefilov barədə iddialara görə isə o, Ermənistanda Rusiya mədəni və təhsil layihələrinin həyata keçirilməsi ilə məşğuldur.
20:09 21.05.2026
Oxunuş sayı: 53
