Xarici xəbərlər

Küveyt saxlanılan SEPAH üzvlərinin görüntülərini yayımlayıb

Küveyt Daxili İşlər Nazirliyi İranın İslam İnqilabı Keşikçiləri Korpusunun (SEPAH) üzvləri olduğu iddia edilən şəxslərin saxlanılması ilə bağlı görüntülər yayıb və rəsmi məlumat açıqlayıb.

Crossmedia.az xəbər verir ki, məlumata görə, saxlanılan şəxslər “balıqçı qayıqları” vasitəsilə Bubiyan adası istiqamətində sızma cəhdi ediblər. Hadisə zamanı Küveyt hərbçiləri ilə qarşıdurma baş verib və bir hərbçi yaralanıb, dörd nəfər isə nəzarət altına alınıb.

Nazirlik bildirib ki, ilkin dindirilmə zamanı saxlanılan şəxslər SEPAH-a bağlı olduqlarını etiraf ediblər və Küveyt ərazisində hücumlar həyata keçirmək tapşırığı aldıqlarını iddia ediblər.

Küveyt rəsmilərinin açıqlamasına əsasən, saxlanılanların rütbələri iki polkovnik, bir mayor və bir baş leytenantdır. Onların SEPAH-ın “Qüds Qüvvələri” ilə əlaqəli ola biləcəyi ehtimal edilir.

🖨 Çap et

13:40 19.05.2026

Oxunuş sayı: 48