Rubio Rusiya ilə Ukrayna arasında danışıqlar tempinin itirildiyini bildirib
Danışıqlar tempi itirilib, lakin ABŞ yenidən Ukrayna ilə Rusiya arasında vasitəçilik etməyə hazırdır.
Crossmedia.az xəbər verir ki, bunu ABŞ dövlət katibi Marko Rubio deyib.
O bildirib ki, tərəflər getdikcə cəbhə xəttindəki vəziyyətə və iqtisadi amillərə diqqət yetirdikcə, danışıqlar prosesi son aylarda yavaşlayıb.
Eyni zamanda, Vaşinqton ümid edir ki, Moskvanın son açıqlamalarından sonra Kiyev və Rusiya dialoqa qayıdacaqlar.
"Ümid edirik ki, hər iki tərəf tezliklə danışıqları bərpa edəcək. Və biz vasitəçi rolunu öz üzərinə götürməyə və bunun başa çatmasını təmin etməyə hazırıq", - Rubio deyib.
O, həmçinin əlavə edib ki, ABŞ iki ölkə arasında effektiv vasitəçilik edə bilən yeganə ölkə olaraq qalır.
19:27 14.05.2026
Oxunuş sayı: 53
