Ermənistanın Rusiya ilə qarşıdurmaya hazırlaşmasının anonsu verilib
Ermənistanlı siyasi şərhçi Hayk Xalatyan ölkəsinin Avropa İttifaqına inteqrasiya istiqamətində atdığı addımları şərh edib.
Crossmedia.az bu barədə xarici mediaya istinadən xəbər verir.
Onun sözlərinə görə, Ermənistanın Avropa İttifaqına üzvlük niyyətini prioritet kimi təqdim etməsi faktiki olaraq ölkənin Rusiya ilə mümkün qarşıdurmaya hazırlaşan siyasi və təhlükəsizlik düşərgəsinə yaxınlaşması anlamına gələ bilər.
Xalatyan qeyd edib ki, Ermənistan hazırda iqtisadi baxımdan Rusiyadan yüksək asılılığını saxlayır və eyni zamanda həm Avrasiya İqtisadi İttifaqı, həm də KTMT daxilində təmsil olunur.
O, həmçinin bildirib ki, Avropa İttifaqı hazırda yalnız iqtisadi birlik deyil, getdikcə daha çox siyasi və təhlükəsizlik yönümlü struktura çevrilir və bu, qlobal güc balansında yeni gərginliklər yarada bilər.
Şərhçi vurğulayıb ki, Ermənistanın geosiyasi seçimləri regionda Rusiya–Qərb qarşıdurması fonunda daha mürəkkəb xarakter alır.
18:30 14.05.2026
Oxunuş sayı: 42
