Xarici xəbərlər

ABŞ və Çin Hörmüz boğazı ilə bağlı razılığa gəlib

ABŞ və Çin arasında Ağ Evdə keçirilən yüksək səviyyəli görüşün əsas gündəm mövzularından biri Hörmüz boğazının açıq saxlanılması olub.

Crossmedia.az bu barədə xarici mediaya istinadən xəbər verir.

Tərəflər qlobal enerji və ticarət axınları üçün kritik əhəmiyyət daşıyan boğazın bloklanmaması və sərbəst istifadəsinin təmin edilməsi barədə ortaq mövqe sərgiləyiblər.

Görüşdə İranla bağlı artan gərginlik fonunda regiondakı təhlükəsizlik riskləri və mümkün iqtisadi təsirlər də müzakirə edilib.

Rəsmi açıqlamaya görə, Hörmüz boğazınin qlobal ticarət üçün açıq qalması“strateji zərurət”kimi qiymətləndirilib.

Çin lideri Si Cinpin Pekinin boğazdan istifadə ilə bağlı hər hansı əlavə rüsum və məhdudiyyətlərin tətbiqinə qarşı olduğunu bildirib.

ABŞ rəsmiləri isə Ağ Ev görüşündə Si Cinpinin İranla bağlı gərginliyin azaldılması istiqamətində konkret öhdəlik götürüb-götürmədiyi barədə əlavə açıqlama verməyib.

Diplomatik mənbələr bu razılaşmanı enerji bazarlarında sabitlik və qlobal tədarük zənciri üçün mühüm addım kimi qiymətləndirirlər.

🖨 Çap et

16:08 14.05.2026

Oxunuş sayı: 61