Oskanyan: Paşinyanın bu səhvini yeddinci sinif şagirdi də etməzdi
Bir neçə həftə əvvəl Moskvada keçirilən görüşdə Rusiya prezidenti Vladimir Putin Ermənistan baş naziri Nikol Paşinyanı Avropa İqtisadi İttifaqı (Aİİ)-Avropa İttifaqı (Aİ) dilemması ilə bağlı faktla qarşılaşdırdı və Paşinyan səhv diplomatik cavab verdi.
Crossmedia.az xəbər verir ki, bu barədə Ermənistanın keçmiş xarici işlər naziri Vardan Oskanyan Facebook səhifəsində paylaşdığı videoda bildirib:
Paşinyan deyib ki, münaqişə olmadığı müddətcə, olduğu kimi davam edək, sonra görərik. Düzünü desəm, hətta yeddinci sinif şagirdi belə, yəqin ki, bu cavabı verməzdi. Bu, çox səhv və diplomatik deyil. Sonra bir anlıq düşündüm ki, bəlkə də, Paşinyan bu atmosferdə çaşqınlıq içindədir. Başqa cavab yox idi, ona görə də dedi. Amma bir gün əvvəl jurnalistlərin sualına Paşinyan eyni cavabı verdi. Paşinyan diplomatiyanı heç vaxt bilməyib, ondan çox uzaq idi və başımıza gətirdiyi bütün fəlakətlər əsasən onun diplomatiyadan çox uzaq bir insan olmasından irəli gəlir. O, diplomatiyanın nə olduğunu bilmirdi və hələ də bilmir və bu səkkiz il ərzində heç nə öyrənməyib. İstənilən vəziyyətdə, seçim qarşısında qaldıqda, həmişə səhv edib", - Oskanyan bildirib.
21:08 12.05.2026
Oxunuş sayı: 51
