Kuba XİN başçısı ABŞ-nin təklifinin uydurma olduğunu bildirib
Kubanın xarici işlər naziri Bruno Rodriges Parrilla ABŞ-nin ölkəyə 100 milyon dollarlıq humanitar yardım təklif etməsi ilə bağlı xəbəri “uydurma” adlandırıb.
Crossmedia.az TASS-a istinadən xəbər verir.
Nazir Telegram-da yazıb: "Kimsə ABŞ Dövlət Katibindən Kubaya 100 milyon dollarlıq humanitar yardım təklifi ilə bağlı uydurma xəbər barədə soruşmalıdır ki, bu barədə heç kim bilmir".
O qeyd edib ki, bu pulu kimin dəqiq verəcəyini, yanacaq, ərzaq və dərman kimi zəruri əşyalar üçün nağd pul olacağını, yoxsa malların göndəriləcəyini və əgər belədirsə, hansı mallardan və hansı şirkətdən və ya təşkilatdan alınacağını bilmək yaxşı olardı.
Parrilla, həmçinin bu pulun Kubada necə bölüşdürüləcəyini və rəsmi olaraq Kuba hakimiyyətinə nə vaxt təklif ediləcəyini də soruşub:"Bu, ianədirmi, fırıldaqdırmı, yoxsa müstəqilliyimizi sarsıtmağa yönəlmiş çirkli bir sövdələşmədirmi?". "Yanacaq blokadasını aradan qaldırmaq daha asan olmazdımı?"
20:23 12.05.2026
Oxunuş sayı: 47
