Xarici xəbərlər

Spiker: Ermənistandakı hadisələr Ukraynadakı Avromaydanı xatırladır

Rusiya Dövlət Dumasının spikeri Vyaçeslav Volodin Ermənistanda baş verən prosesləri şərh edərək bunun Ukraynada 2014-cü ildə baş vermiş Avromaydan hadisələrinə bənzədiyini bildirib.

Crossmedia.az-ın məlumatına görə, Volodin öz Telegram kanalında yazıb ki, Ermənistanda keçirilən Avropa Siyasi Birliyi sammiti və Volodimir Zelenskinin İrəvana səfəri regionda diqqət çəkən siyasi proseslərdən biridir.

O qeyd edib ki, belə addımlar nə Rusiya, nə də erməni xalqı üçün dostluq siqnalı hesab edilə bilməz.

Vyaçeslav Volodin vurğulayıb ki, Rusiya ilə Ermənistan arasında uzun illərə dayanan yaxın münasibətlər mövcuddur və ölkədə yaşayan ermənilər digər vətəndaşlarla bərabər hüquqlara malikdir.

Sonda Volodin xəbərdarlıq edib ki, Ermənistanda baş verən proseslərin Ukraynada olduğu kimi nəticələrə gətirib çıxarmaması üçün diqqətli olmaq lazımdır.

🖨 Çap et

18:27 12.05.2026

Oxunuş sayı: 44