Xarici xəbərlər

ŞOK İDDİA: Müharibədə təşəbbüs Ukraynaya keçib, Rusiya geri çəkilir

Üç ildən sonra ilk dəfə müharibədə təşəbbüsün Ukrayna tərəfinə keçdiyi bildirilir.

Crossmedia.az xəbər verir ki, bu barədə "The Economist" nəşri analiz edib.

Nəşrin yazdığına əsasən, Ukrayna cəbhə xəttinin bir çox istiqamətində Rusiyaya daha ciddi zərbələr endirir və vəziyyətin dinamikasında dəyişiklik müşahidə olunur.

Hesabata görə, Rusiya ordusunun yaz hücumu uğursuz nəticələnib və aprel ayında 2024-cü ilin avqustundan bəri ilk dəfə xalis ərazi itkisi qeydə alınıb. Məlumatda son 30 gündə Rusiya qüvvələrinin təxminən 113 kvadrat kilometr əraziyə nəzarəti itirdiyi qeyd edilir.

Analizdə həmçinin bildirilir ki, cəbhə xəttində pilotsuz uçuş aparatlarının yaratdığı öldürmə zonası dərinliklərə doğru genişlənir və bu zona təxminən 20 kilometrə çatır.

Bundan başqa, Ukraynanın sərhəddən təxminən 2000 kilometr uzaqlıqdakı iqtisadi və hərbi hədəflərə mütəmadi zərbələr endirdiyi vurğulanır.

“The Economist” nəticə olaraq qeyd edir ki, müharibədə dönüş nöqtəsi yaranıb və Rusiya nəticə əldə edə bilmədiyi halda daxili sistemdə ciddi çətinliklərin yarana biləcəyi ehtimal olunur.

🖨 Çap et

18:40 12.05.2026

Oxunuş sayı: 37